Дагъусттаннал региондалийсса «Единая Россия» партиялул председатель Дмитрий Медведевлул приемныйлуву январь зурул I5-нний агьали кьамул бунни АьФ-лул ПаччахIлугърал Думалул депутат Аьвдулмажид МахIрамовлул.
Имара Саидова
[dropcap]В[/dropcap]а кьини депутатнал цалчин кьамул унни «Наследник» тIисса республикалул спортклубрал директор Шамсуев Варис. Ванал мурад бия жула республикалий греблилул спорт машгьур даврил ва чIал къархьуну хьунтIисса Европанал лачIун буккаврил чемпионатрал проектрай гьурттушинна даврил чIарав бацIаву тIалав буллалисса. Хъирив МахIрамовлул кьамул бувсса Сулайманова Аидал барчаллагь увкунни цила нитти-буттал пенсиярттал хIакъиравусса масъала щаллу бан кумаг баврихлу. ДепутатнацIунсса цIанасса ванил мурад бия цила даврил багьайссаксса стажрайн бувну бишайсса пенсия анавар буккан баву тIалав буллалисса. Ванил хIакъиравугу депутатнал цала кумагчинайн тапшур бунни Пенсионный фондрайн аьрза тIайла буккаву.
Шамильский райондалиясса Батлух тIисса шяравасса Маллаев МахIаммадлул масъала бия ттукIрал хIакъиравусса. Ванал бувсунни тамансса шинну хьушиву I500 метралийхсса машинарттал ххуллийн ттукI буцаврил масъала щаллу къабуллай бушиву. Ва масъалалул хIакъиравугу депутатнал тапшур бунни Дагъусттаннал сетевой компаниялул каялувчитурайн арцу итадакьаву тIалав буллалисса аьрза чичин.
Аьвдулмажид МахIрамовлул ва кьини кьамул унни 11 инсан. Цинявппагу цачIанма бувкIсса агьалинал масъаларттал хIакъираву ккавккунни маслихIатру ва тапшур бунни цала кумагчитурайн ми дузал баврил ялув бацIаву.
