Ххал бивгьусса масъаларттавасса ца агьамсса масъалану бур «2018 шинайн­сса ва пландалийсса 2019-2020 шиннардийнсса Дагъусттан Республикалул бюджетрал хIакъиравусса» закондалул проект ххалгу диргьуну, кьамулгу даву.

[dropcap]М[/dropcap]у закондалул проект цалчин дуккаврийну кьамул дунни.
Депутатътурал цалчин дуккаврийну ххал диргьунни «2018 шинайнсса ва пландалийсса 2019-2020 шиннардийн­сса ДР-лул Чара бакъасса медициналул страхованиялул территориялул фонд­рал бюджетрал хIакъираву» тIисса закондалул проект. Мукунна депутатътурал цалчин дуккаврийну кьамул дунни ДР-лул Конституциялуву дахханашивуртту дуван аьркинсса кIира закондалул проект. КIилчин дурккуну ххал диргьунни «Дагъусттан Республикалул Конституциялуву дахханашивуртту даврил хIакъиравусса» закондалул проект­ру, «ДР-лий организациярдал хъуслиясса налогирттал хIакъиравусса ва цаймигу законнал статьярттаву дахханашивуртту даврил хIакъиравусса» законнал проектру.
Сессиялий кьамул дунни 2018 шинал ва 2019-2020 шиннардий ДР-лий паччахIлугърал хъус приватизация даврил программа.
Сессиялий ххал бивгьунни мукунма цаймигу масъалартту.