Декабрь зурул 3-нний «Ветеран» тIисса дом-интернатраву Мушакъатминнал кьинилун хасъсса шадлугъ хьунни. Бугьара­сса ва мушакъатсса инсантал барча буван увкIунни Дагъусттаннал захIматрал ва социал хьхьичIуннайшивурттал министр Расул Ибрагьимовгу.

П. Рамазанова
[dropcap]В[/dropcap]анал Республикалул БакI­чинал къуллугъ чIумуйну би­ттур буллалисса Владимир Васильевлул цIаниятусса ихтилат буллай, кIицI лавгунни цIуллу-сагъшиврул нукьсансса инсантал чувшиврул ва кьянкьашиврул эбрат ккаккан дуллай, яхI буллай бушиву, жяматрал оьр­мулуву хъанахъисса иширттавух чялишну хIала буххансса хIарачатрай бушиву. Машгьур­сса балайчитурал ххари бувунни ветерантал, ххуйсса концерт ккаккан дурну, миннал дакIру тирх учин дунни. «Щаллагу дунияллий Мушакъатминнал кьини кIицI лагай цIуллушиврул заэвсса инсантурал оьрмулул иширттах ва масъаларттах цахъисрагу къула­гъас ххи дувансса мурадрай. Бугьарасса инсантураннив жува буржлувссару, миннал захIматрал хIасиллу, опыт жунма бучIи лявкъуну тIий. Интернатрал директор Мажид Мирзаевлул мудангу хIарачат бувай гьарцагу байран лахъа-хъунну кIицI лаган, бугьарасса ва мушакъатсса инсантуран цахарасса аякьагу асар къархьуну къаличIай», — тIий бур интернатрал хъунмур медсестра, 1-мур ЦIувкIратусса Асият Дукиева.