Декабрьданул 8-нний ДР-лул Культуралул министерствалийн официал аьрххилий увкIунни Ставрополлал крайрайсса ДР-лул вакил Аьбдулла Оьмаров ва Георгиевск шагьрулийсса Да­гъусттаннал халкьуннал жяматийсса организациялул председатель Илияс МахIаммадов.

Бадрижамал Аьлиева
Хьунабакьаврий ихтилатру хьунни Георгиевск къала сакин бувну 240 шин шаврин ва Георгиевскаллал шагьрулул округрал Кьинилун хасну уттигъанну Ставрополлал крайрай хьу­сса шадлугъирттая. Миннувух хьхьичIунсса гьурттушинна дур­ссия Дагъусттанная бувкIсса хъамаллуралгу, Ставрополлал крайрайсса Дагъусттаннал вакилханалулгу. Цалла усттаршиву, каруннил магьиршиву микку ккаккан дурну дур Бархъаллал ва Оьргърал усттартурал, Табасараннал ва Агъуллал районнаясса фольклорданул коллективир­ттал, ДГУ-лул «Ттул Дагъусттан» тIисса ансамбльданул.
Ларай кIицI дурсса шадлу­гъирттавухсса гьурттушиндарахлу ва кьини ДР-лул культуралул министр Зарема Буттаеван дуллунни Ставрополлал крайрайсса Дагъусттаннал халкьуннал Культуралул центрданул председатель Жамалуттин ХIасановлул чулухасса грамота ва Георгиевскаллал шагьрулул округрал бакIчинал буржру чIумуйну би­ттур буллалисса Владимир Крутниковлул чулухасса Барчаллагьрал чагъар.