Владимир Васильев Къазаннайн увкIунни

Декабрьданул 13-нний къуллугърал аьрххилий Татарсттан Республикалийн увкIунни Дагъусттан Республикалул БакIчи Владимир Васильев. Аэропортрай му хьунаавкьунни ТР-лул премьер-министр Алексей Песошиннул.


Къуллугърал аьрххилул лагрулий Владимир Васильев хьунаакьинтIиссар Татарсттан Республикалул Президент Русттам Миннихановлущал. Хьунабакьаврий ххал бигьинтIий бур экономикалул ва машлул иширттаву хIала-гьурттуну зузаврил масъалартту.
Дагъусттаннал БакIчи иян тIий ур мукуна цаппара промышленностьрал ва дуккаврил объектирдайн.
Республикалул каялувчинащал архIал бивзун бур ДР-лул ХIукуматрал Председательнал 1-ма хъиривчунал кIанайма Рамазан Аьли­ев, ДР-лул ХIукуматрал Председательнал хъиривчутурал кIанайми Раюттин Юсупов ва Екатерина Толстикова, ДР-лул шяраваллил хозяйствалул министрнал хъиривчу ХIайдар Шуаьев.