[dropcap]М[/dropcap]ахIачкъалаллал аэропортрал 2017-ку шинал чIявусса агьали биян бувну бур хIажлийн. «ВимАвиа» ва «ЮТэйр» авиакомпаниярттал самолетирттай хIажлийнгу, махъуннайгу дурну дур 84 рейс. Гьашину цалчинни жула аэропортрая гьарта-гьарзасса салонну бусса Airbus-330 ва Boeing-767 самолетирттай хIажлийнсса агьали ххилай бивкIсса.

И. Саидова
Дагъусттаннал авиалинияр­ттайхчIин хIажлий иян увну ур 10 057 инсан ва махъунай иян увну ур 10 050 инсан. Аьрасатнаву яла гьарзами хIажчитал лавгун бур Дагъусттанная.
МахIачкъалаллал аэропорт Дагъусттаннай бувагу бусса ца авиапредприятие хъанай бур. ХIакьинусса кьини аэропорт­рая Аьрасатнал шагьрурдайн ссятрал мутталий лехлай ур 200 пассажир, дазул кьатIувсса билаятирттайнсса рейсирдайнгу ссятрал мутталий 60 пассажир лехлай ур.
2016 шинал, февраль зуруя байбивхьуну, аэропортрай буллай байбивхьуну бур 8000 квадрат метра дусса, 190 пассажир ссятрал мутталий кьамул уван бюхъайсса цIусса терминал.
2017 шинал май зурул 3-нний МахIачкъалаллал аэропортра­хьхьун ихтияр дуллунни хъунисса салонну бусса Boeing -767-200, Boeing767-200ER, Boeing- 767-300, Boeing-767-300ER ва Airbus A-330-200 модификациярттал самолетру кьамул дуллансса.
Гьарца кьини МахIач­къалал­лал аэропортрая Москавлийн лехлай дуссар ацIрахъул самолетру, мукунна шичча самолетру лехлай дуссар Санкт-Петербурграйн, Сургутрайн, Ростоврайн, Сочилийн ва Минводылийн, Къазахъисттаннайн, Туркнавун ва цаймигу билаятирттайн.