Мугъаятну бикIияра муххал ххуллурдай!

[dropcap]У[/dropcap]ттигъанну, сентябрь зурул 9-нний, ссят 09 хьусса чIумал муххал ххуллул переезд­рай хьунни ДТП. Машиналул щупир Р.С. Бекмамбетов (1991 ш.у.) ххуллул низам къадурур­ччуну най ивкIун ур.

[dropcap]В[/dropcap]анал машина пассажиртал бувцуну нанисса №346 Адлер-Нижневартовск поездрал 7-мур вагондалийн щуну бур. Ва ишираву 15 инсаннан, миннава 3 мюрщисса оьрчIан ва поездрал бригадалул 2 зузалан цIунцIияртту хьуну дур. Машиналул щупир реанимациялий ур.
Ухссавнил Ккавкказуллал му­ххал ххуллул каялувчитал буруккинттарай бур Дагъусттаннал муххал ххуллурдай нигьачIисса тагьар дур тIий. Нанисса шинал Ухссавнил Ккавкказуллал му­ххал ххуллул переездирттай хьусса 27 ДТП-лува 8 ДТП Дагъусттаннай хьусса дур. Миннуву 3 инсан оьрмулуцIа хьуну ур, 5 инсаннан захIматсса цIунцIияртту хьуну дур. Хъунмасса зарал бивну бур хъуслин. БацIан бан багьну бур пассажиртал бувцуну заназисса ва кьай ххилаххисса поездру.
ХIурмат бусса щупиртал!
ДакIний битияра, муххал ххуллу — му хъуннасса нигьачIаву ду­сса кIанур. Баччибакъашиврийну, машиналуцIа бакъассагу, зула оьрмулуцIагу хьун бюхъайссару. Зу сававну оьрмулуцIа хьун бюхъай­ссар поездрал пассажиртал, бю­хъайссар пIякь учаву хьун, цIу лачIун, гьава загьрулул хьун. Ца-кIира минутIралшиврий зу бю­хъайссар ттуршахъул инсантурал бакIрачIан бала буцин.
С. МахIадов, МахIачкъалаллал региондалул инфраструктуралул дирекциялул хъунама
ХIадур бувссар
А. Аьбдуллаевал