[dropcap]Д[/dropcap]яъвилий жан харж дурсса саллатIнан хIурматрансса КIяла кьурукьирттал кьини кIицI лаглагаву ялу-ялун сийлувун дагьлай дур.

[dropcap]Х[/dropcap]ьхьичI ппурттуву ва байран кIицI лагайссия анжагъ жулла республикалий. Утти тIурча, кIицI лаглай бур цайми-цайми кIанттурдайгу. Ваччавсса райондалул библиотекалул луттирду буккай залданувугу хьунни сентябрь зурул 7-нний ва кьинилун хас дурсса байран.
Му хIадур дурну дия райондалийсса шяраваллал библиотекарттал каялувчитурал школар­ттал дуклаки оьрчIащал архIал. Байрандалий гьуртту хъанай ия райондалул администрациялул виваллил политикалул отделданул каялувчи Хизриев Шамххал. Даву дачин дурну бия библиотекалул зузала Аьлиева Шавлухъ. ОьрчIал ккаккан дуруна ва кьинилун хас дурсса инсценировкартту, бувккуна шеърирду, декломацияртту. Ахирданий библиотекарттал хъунмур ХIажиаьлиева ПатIиматлул барчаллагь увкуна циняв гьуртту хьуминнахь.