[dropcap]А[/dropcap]ьбдулкарим Айгуновлул гьар шинал дайсса хIала-ккаласса журалул дандибуккавурттал 10 бияву ва кикбоксинграл «К-1» журалул ца бияву гьашину сентябрьданул 9-нний хьунтIиссар Дарбантлив, «Нарин-къалалул» шадлугъирттал къатраву.
ХIасан Аьдилов
Мунил хIакъираву бувсунни «Селектион Варриорс» (биюлт батIул баву) тIисса проектрал каялувчи Аьбдулкарим Айгуновлул ва мунащал увкIсса дунияллул чемпион Артур ХIусайновлул пресс-конференциялий.
Айгуновлул бувсмунийн бувну, турнирданий чIяруми биявуртту хьунтIиссар Дагъусттаннал жагьилсса спортсментурал дянив. Биявурттавух гьуртту хьунтIиссар Аьрасатнал цаймигу регионнаятусса, биюлт. Турнирданул яла хъунмур бияву хьунтIиссар Артур ХIусайновлул Къиргъизнавасса Айжигит Жумабеклущал. Миннавату ххув хьуманан дулунтIиссар Селектион оф Варриорс журалул дунияллул чемпионнал мухIлу.
Артур ХIусайновлул бувсунни цаятувагу, цIана цукун хIадур хьу­ссарив. Турнирданул хIасиллая жу бусанну хъиривмур номерданий.