«Илчи» кказитрал ванияр хьхьичIмур номерданий рирщуссия «Левххун лавгун бур , чунмайрив къакIулну «КIяла кьурукьру» тIисса макьала.

[dropcap]Х[/dropcap]удожник, скульптор, монументалист Башир Увайсовлул каялувшиннаралусса художниктурал группалул чарвитуя дур­сса гьайкалданул 40 шинал лажиндарай чIюлу буллай буссия Р.ХIамзатовлул ва Ярагскийл цIанийсса шанбачIулийсса къат­рал чIира. Ва гьайкал, цIухху-бусу бакъа, щинчIав хавар къабувну, чIирая дуркьун хьуссия сайки ца шин.
Вана утти август зурул 28-нний «КIяла кьурукьир­ттан» хас дурсса гьайкал цIуницIа дацIан дунни Дагъусттаннал паччахIлугърал шяраваллил хозяйствалул университетрал чIирай.
Амма кIицI къабувну битан къабучIир: утти чIирайн лархъсса скульптура бакIрайра диркIсса куццуй щаллу-ккурккину яхьуну дакъар, кIантту циван баххана бувссаривгу бувчIлай бакъар.
Скульптура цIуницIа чIирай дишинсса хIарачат бувну бур Шяраваллил хозяйствалул университетрал ректор ЯхIъя Бучаевлул.
Дагъусттаннал Халкьуннал художник МахIаммадаьли Аьлиевлул ва скульптуралийн увкуссия щалагу дунияллул халкьуннал аьпа абад буллалисса лишан куну.

И. Саидова