[dropcap]А[/dropcap]вгуст зурул 17-нний ЦIуссалакрал райондалул проектирдал управлениялул администрациялий хьунни Дагъусттан хьхьичIунмай баву мурадрай кьамул дурсса приоритетсса проектру иширайну дузрайн дуккан даврилхIакъиравусса гьарта-гьарзасса маслихIатшин.Приоритетсса проектирдая бакъассагу, микку бувсунни 2018 шиналсса пландалийсса 11 бутIуягу.

И. Саидова
Проектирдал управлениялул хъунаманал хъиривчу Земфира Жиржисовал каялувшиннаралу дуллалисса ва батIаврий гьуртту хьунни вай проектру иширайну дузрайн дуккан даврил жаваб дуллалисса идарарттал зузалт.
Шикку мукунма гьаз бунни кIулшивуртту дулаврил, цIуллу-сагъшиву дуруччаврил ва социал иширттал аралуву хIасул хъана­хъисса масъалартту. КIицI лавгунни педагогтурал харжру гьаз бан багьлай бушиву, кIулшивуртту дулаврил аралуву зузисса циняв­ппагу зузалтрал пишалул даража лавай бай­сса курсру бу­ккин аьркиншиву, кIулшивуртту дулаврил идарарттай ва садикирттай­сса дукрардал менюрду цалийн дуцин, «Радуга» оьрчIал багъраву «Стрелец-Мониторинг» тIисса программа дачин дан багьлай бушиву.