[dropcap]А[/dropcap]вгуст зурул 17-нний Каспий хьхьирил зуманивсса ДЭА тIисса бигьа лагай базалий ца ппурттуву хъамитайпалул вев-гьарай тIисса лахъсса чIурду баллан бивкIун бур.Му цурдагу диркIун дур хьхьири хъинну гьалак бувксса гьанттайн чIун. Хъамитайпа бивкIун бур, бан-битан бухлавгун, хьхьирийн бюкьлакьисса цила лас ва арс ххассал буван кумаг бара тIий.

И.Саидова
Гьалак бувксса хьхьиривун ххяххан цучIав сислай къаив­кIун ур.
Амма му хъинну захIматсса тагьарданий, гьанавиххи къавхьуну, виричунал куннасса даву дурну, ЦIуссалакрал райондалиясса Чапаевккаллал шяравасса Аьлимов Тажиблул ва Мадаев Аьвдуллагьлул, ххявххун, хха­ссал бувну бур бюкьлакьими.
Хьхьирийн бигьалаган бувкIсса чачаннал миллатрал кулпатран буниялагу хъунмасса талихI хьуну бур ва кьини Тажиб ва Аьвдуллагь хьхьирийн бувкIун бикIаву.
Къучагъшиву чув-дунугучан дакъассар.