Макьсудлул арс Мазаев Азамат
Хар-хавар бакъа къюкIлил инжит хьуну, оьрмулул 50 шинаву жуятува батIул хьунни дахIалай чинсса чув-адамина, полициялул подполковник, СССР-данул спортрал мастер, Къяннал шяраватусса Макьсудлул арс Мазаев Азамат.
Азамат увну ур 1967-ку шинал Буйнакскаллал шагьрулий. 1986-1990-ку шиннардий бувккуну бур Дагъусттаннал паччахIлугърал университетрал экономикалул факультет. Зий ивкIун ур личIи-личIисса, цаннияр ца жаваблувшиву хьхьичIунсса давурттай, налогирттал инспекторная айивхьуну, ОВД-лул хъунама оперуполномоченнайнал къуллугърайн ияннин. Му къуллугърай махъсса шиннардий зий ивкIун ур Москавлив.
Чув зий ивкIун ухьурчагу, Азаматлул хIалал бувссар анжагъ хIурмат-иззат, гьарцагу коллективрал дянив диркIссар жард къаувкусса авторитет. Мукуна бусравсса ва ххирасса ия ва цала жяматран ва щалагу агьлу-авладран.
Азаматлун буллуну бивкIссар «Ветеран боевых действий на территории СКР » тIисса удостоверениягу, дуркссар диялсса медаллугу.
Азаматлул бухIан захIматсса бивкIулул дард-хажалатгу кIидачIлай, дакIнийхтунусса жижара буллай буру ниттихь Марияннухь, уссихь Мурадлухь, ссихь Жамилахь ва махъсса цинявппагу гъан-маччаминнахь.
Азаматлул бунагьирттал аьпа баннав, рухI рахIатний дишиннав, ниттихьхьун Заннал ссавур дулуннав.
Къяннал жямат,
дустал гьалмахтал
Ва бусурманнал мубараксса Рамазан зуруй аьпалувух бивхьусса ГьунчIукьатIрал шяраватусса
Дандамаева Арузатлул
бивкIулул къумашивугу кIидачIлай, аьзизсса ниттих жижара буллай буру жущалва архIал дуклай бивкIсса Минажатлухь, ванил душ Аьзизахь, Умахь, Марзихь, Аьишатлухь, ПатIиматлухь, Шубанатлухь, Сиянатлухь ва вайнная бивзминнахь, куявтурахь, щалвагу агьлу-авладрахь.
Арузатлул рухI алжаннул ххари даннав, гьав нурданул дуцIиннав.
Минажатлущал, Аьишатлущал, ПатIиматлущал
дуклай бивкIми
Ва мубараксса Рамазан зуруй аьпалувух бишин нясивну бивкIсса
Дандамаева Арузат МахIаммадлул душнил
бивкIулул къумашивугу кIидачIлай, жижара буллай буру мунил душнихь Уммугьалихь (Умахь), куяв Бухаринахь, вайнная бивзминнахь, Марзихь, Минажатлухь, Арузатлул щалвагу агьлу-авладрахь. Махънал оьрмурдай барачат бишиннав. Арузатлул рухI чаннаний, чурх бигьаний бишиннав, гьав нурданул дуцIиннав.
КIямашрал жямат
Нурулисланнул душ Илдарова Шура
Май зурул 30-нний, цIуцIаврища ххассал къавхьуну, лавгунни дунияллия 1-мур ЦIувкIратусса, Буйнакскалив яхъанахъисса, Нурулисланнул душ Илдарова Шура.
1974 шинал Шура Буйнакскаллал 3-мур библиотекалийн зун бувхссар ва тания мукьах 40 шинай зий бивкIссар библиотекалул хъунмурну. Сайки щалва оьрму ванил хас бувну бур му даврин, ва зузиссаксса хIаллай библиотекалуву личIи-личIисса конкурсру, выставкартту чан къархьуну дур. Библиотека интеллигенция батIай кIануну хьуну бур, ччя-ччяни творчествалул инсантуращал хьунабакьин жямат ва дуклаки оьрчIру батIайсса бивкIун бур. Цинмагу библиотека кIилчинмур буттал къаттану хьуну бур. Шагьрулул администрациялул ва Культуралул министерствалул ванил захIматран ХIурматрал грамотарттайну кьимат бивщуну бур. Шагьрулул библиотекалул даву ххуйсса даражалийн гьаз дурсса пишакар хIисаврай, республикалул библиотекалул аралуву зузиминнавугу хIурматрай буссия. Шагьрулул жяматийсса иширттавух, культуралул ва профсоюзрал давурттавух мудангу гьуртту шайссия, чIярусса шиннардий профкомрал председательнугу буссия.
Нурулисланхъал Шура Буйнакскаллал ва ЦIувкIуллал жяматран ххирассия, ва бия тяхъасса, хъярч-махсара ххирасса, инсантураву ххуймур гьаз буллалисса, хъинмур буван чялиш буккайсса инсан. Махъсса шиннардий цIуцIаврил азурда булларчагу, къабувккуна ванил зумату цIуру-кIурулул махъру. Цуппа цIуцIи шаний бунагу, архIал зузиминнал, лагма-ялттуминнал, ичIувацириннал, гъан-маччаминнал буруккинттарай бикIайва. Инсантурал къайгъурдалсса буллай аьдат хьусса инсан бия.
Шура дунияллия лагаврил кьурчIишиву кIидачIлай, жижара буллай буру ласнахь, арсурваврахь, уссихь, ссурваврахь, цинявгу гъан- маччацириннахь. Шурал рухI алжаннул ххари дуваннав, гьаттай нур дизаннав, ванин къабуллумур оьрмулул бутIа наслулун ххи бувну лякъиннав!
1-мур ЦIувкIуллал жямат, Буйнакскаллал библиотекалул системалул зузалт
