ДР-лул Строительствалул, архитектуралул ва ЖКХ-лул министерствалий хьунни ирглийсса батIаву.
Руслан Къардашов
Муний ххал дигьлай бия Лакрал, ЦIуссалакрал, Буйнакскаллал, Къизилюртуллал районнал дяркъу хьуннинсса хIадуршинна.
БатIаврий ккаккан бунни муниципалитетирттал октябрьданул 15-ннийнин цинярда давурттив щаллу дурну хIадур хьушиврул паспортру ласун аьркиншиву. Гьашину вай давуртту щаллу даншиврул итабавкьуну буссар дукIунияр 13% гьарзасса арцул хIакь.
2016 шинал республикалул бюджетраву ккаккан дурну дуссия 1,7 млрд. къурушрал. Вай арцух бакьин бувссар 770 км. гъилишиву дулайми турбарду, 12600 км. щин дуцайми турбарду, 835 км. щин экьирутIайми турбарду ва 2500 км. токрал ххуллурду. Бакьин бувссар 485 котельнайрду. ДукIусса дякъил чIун республикалий ларгунни коммунал хозяйствалуву апатI-оьзру къавхьуну.
