Июньдалул 1-нния 4-нин Ростоврай хьусса Ухссавнил Ккавкказуллал Федерал округрал ва Кьиблалул федерал округрал чемпионатрай Дагъусттаннал мукьа спортсмен ххув хьунни. Бяст-ччал хьуну бур кIийла олимпий чемпион Василий Алексеевлул цIа абад даврин хасну.
Округрал чемпионтал хьуну бур Исмяил ХIажибеков (56 кило), Хегани Исмяилов (62 кило), Тофик Загьиров (69 кило) ва Мадина Баймурзаева (75 кило).
КIилчинми кIанттурду бувгьуну бур Мансур Эльмурзаевлул (94 кило), Рамазан Расуловлул (105 кило), ПатIимат Оьмахановал (63 кило), Айзанат Мурзаевал (58 кило) ва Саида Мирзабеговал (75 кило). Чарвитул медаль дурххуну дур Вазипат Байсултановал.
Округрал чемпионатрал хIасиллайну сакин дантIиссар Аьрасатнал чемпионатрай гьуртту хьунтIисса команда. Аьрасатнал чемпионат хьунтIиссар июльданул ахирданий Чебоксардай.

ХI. Аьдилов