«Аякьа» («Забота») тIисса цIанилусса интернат-къатлуву щаллагу дунияллий кIицI лагайсса ОьрчIру буруччаврил кьини тIиртIунни дяхттасса отделение.

Му тIитIлатIисса кIанттай бия ДР-лул ХIукуматрал Председательнал хъиривчу Рамазан Жяъпаров, АьФ-лул ПаччахIлугърал Думалул депутат Аьбдулмажид МахIрамов, ДР-лул захIматрал ва социал хьхьичIуннайшивурттал министр Расул Ибрагьимов ва ДР-лул БакIчинал уполномоченный Аьлибек Аьлиев.
Утти цIуллу-сагъшиврул ссуссукьусса оьрчIру нитти-буттаща бюхълай бур ва интернатрай дяхттасса чIумал кьабитан, цивппа давурттай буссаксса, хьхьувай шаппай буцлан, оьрчIал багъраву кунма. Ва отделение дур оьрмулул 4 шинава 12 шинайн бияннинсса оьрчIансса. Цалсса бур 2 группа, мяй-мяйя инсан усса. Ва интернат-къатлул директорнал буржру чIумуйну биттур буллалисса Ума Качаловал бусаврийн бувну, гихунмай укунсса группарду ялагу тIитIинсса пикри бур.

Бадрижамал Аьлиева