«Питомец» МУП-равун бувцуну бучIайсса заллу-зал акъасса ккаччив, стерилизоватьгу бувну, вичIай биркардугу бивщуну, итабакьайссар ттинин бивкIсса шагьрулул кIичIирттавун.
Амма питомникраву буссия цачIана инсан гъан хьун къаитайсса, хъинну оьсса ккаччивгу. Шагьрулул кIичIирттавунгу итабакьин къахъанай, шиккусса зузалт буссия, гайннуйн дарув бувну, «шанаши» бан ччай. Шиккугу вайннан му даву дан бахчунни жула шагьрулий ливтIусса жанаварт, ятту-гъаттара буччинсса кIану, крематорий бакъашиву. Вайннан кумагран цаламур пикри бувсун бур волонтертурал ва жанаварт буруччавриха зузисса сакиншиннардал. Вайннал тавакъю бувну бур яттикъушайсса, къутаннайсса хозяйстварттал зузалтрал ккаччив цала хIаятирттаву бахIин буцин. «Жухь цаппара хозяйстварттал каялувчитурал тавакъю бувунни, укунсса ккаччив лякъирча, цайн оьвчин. Ветеринарнал ххал бувну махъ , булунтIиссар ккаччив миннахьхьун. Вайннул «хIаплил» лагма гьарзад ччаннай дацIан дантIиссар»,-бувсунни МУП-рал зузалал.
Ккаччив бувцуну, «хIаплил» чIу бакъа шайхту, питомникраву пахъдагьру хьуну дур. Хiакьинусса кьини шиву 42 ккаччи ябуллай бусса бур.

З.АьбдурахIманова