Июнь зурул 12-нний щалагу билаятрай кIицI ларгунни Аьрасатнал Кьинилул байран. Мунин хасну ЦIуссалакрал райондалий хьунни шадлугърал мажлисру.

Микку гьуртту хьунни ЦIуссалакрал райондалул бакIчи ХIажи Айдиев, мунал хъиривчу Султан ХIамзатов, райондалул ОМВД-лул хъунама Марат МахIмудов ва райондалул личIи-личIисса идарарттал хъуними, культуралул къатлул вакилтал.
Шанттуршунния ливчусса ЦIуссалакрал шяраваллил агьали ва хъамал кIюрххилва бавтIун бия байрандалун хасну чIюлу бувсса майданнив. Байрандалул мажлис байбивхьуна Аьрасатнал гимнрайну. Хъирив райондалул жямат байрандалущал барча буллалисса ихтилат бувна райондалул бакIчи ХIажи Айдиевлул.
ЦIуссалакрал райондалий му байрандалун хасну дурунни лачIун буккаврил, волейболданул турнирду, мукунма цаймигу спортрал бяст-ччаллу.
Тамашачитуран яла-яла ххуй бивзунни райондалул бакIчи ХIажи Айдиев ва ОМВД-лул хъунама Марат МахIмудов цивппагу гьурттусса администрациялул ва ОМВД-лул командарттал дянивсса волейболданул бяст-ччал. Ва бяст-ччалливугу ххув хьунни ЦIуссалакрал администрациялул команда.
Ва кьинисса байрандалул сий хъиннура гьаз дунни райондалул Культуралул управлениялул зузалтрал, дуклаки оьрчIал хIадур дурсса программалул.

И. Саидова