«Анжи-Арена» стадиондалий июньдалул 6-нний байбишин­тIиссар Дунияллул дянивсса футболданий буккав­рил турнир «Caspian Cup – 2017».

Р. Къардашов
Турнирданий гьуртту хьун­тIи­ссар шанна хIукуматрал командартту:
Аьрасатнал – «Анжи», «Краснодар», «Ростов», «Рамзан» (Грозный), «Юность» (Владикавказ), Азирбижаннал – «Габала», «Нефтчи», Гуржиял – «Динамо».
Командартту дачIинтIиссар кIива бутIуйх, миннувух цалчинми кIантту бувгьуми командар­тту хьунадакьинтIиссар июньдалул 11-нний финалданий.
Дагъусттаннайн бувкIсса жагьилсса спортсментуран «Анжи» клубрал хIадур дуллай бур чIярусса хIайран хьунсса, ябацIансса ккаккияртту ва хьунабакьавуртту.
Турнирданул сакиншинначитуран дакIний бур ва турнир ирсирай нани дан ва ваний гьуртту хьун оьвчин дунияллул яла машгьурми, цIа дуркми командарттайн.