Май зурул кIинний 1945 шинал виртталсса маршалтурал, Жуковлул ва Коневлул каялувшиврийну, фашистътурал «рейхрал» хъуншагьру Берлин лавсъссар.

* * *
Май зурул ряххунний 1945 шинал совет аьралуннал Прага тархъан буллалисса талатаву дайдирхьуссар, му талатаву «Пражская операция» тIий ливчIссар тарихраву. Прагагу тархъан бувну, ясирну бувгьуссар «Центр» тIисса армиярдал группа.

* * *
Майрал урчIуйлчинмур кьини Аьрасатнал аьралий савлугърал кьинир. Ва дата къакIулсса инсан акъахьунссар. Совет аьралуннал Буттал кIанттул цIанийсса Хъунмасса дяъвилуву ххувшаву ларсъсса кьинир. 1945 шиная шиннай ва байран мудангу лахъа- хъунну кIицI лагайссар Аьрасатнаву ва цаппара цаймигу билаятирттай.

* * *
Майрал ацIния кIилчинмур кьини, Къирим багьайкун душманная мурахас бувсса кьинир.1944 шинал , гьамин ва кьини Къирим тархъан бувссар.

* * *
Майрал кьуния мяйлчинмур кьини — Пограничникнал кьинир. 1918 шинал Совнаркомрал Декретрайн бувну хIасул дурсса дазурду ядуллалисса идара. Совет Союзрай Пограничникнал кьини цIакь дурссар 1958 шинал. СССР лирну махъ, 1994 шинал май зурул 23-нний Аьрасатнал Президентнал указрайн бувну, Аьрасатнал тарихийсса аьдатру ва дазурду ядуллалисса аьралуннал аьдатру цIудуккан дуваву мурадрай, Пограничникнал кьини цIакь дурссар май зурул 28-нний.

ХIадур бувссар П. Рамазановал