Ларгсса нюжмардий Каспийскалий, ОьрчIал творчествалул центрданий, хьунни дуклаки оьрчIал техникалул ва декоратив-прикладной творчествалул выставка. Му выставкалий гьуртту хьунни шагьрулул сайки гьарцагу школалул дуклаки оьрчIру, ОьрчIал творчествалул къатлуву, Техникалул творчествалул центрданий тарбия хъанахъими.
Ва журалул выставкартту даврил ва цайми-цаймигу давурттал мурадру бур гьунарду бусса оьрчIру ялун личин баву, миннал чIарав бацIаву, мукунма оьрчIаву пишарду машгьур баву.
Выставкалий ккаккиялун дикъархьусса дакъая, ца ккарккун, гамур хъамаритансса. Ишла къадурсса материал дакъая: ххаллу, пластилин, пюрун, жангри, тахта-тIама.
ОьрчIал дурсса давурттан кьимат бишлай бия УО-лул методист Индира Оьмаханова, ЧIава натуралистътурал станциялул директор Зинаида СалихIова, Аьрасатнал халкьуннал аслийсса культуралул центрданул директор Башикар Вагьабова, ОьрчIал творчествалул къатлул директор Гюльнара Салимханова ва м.ц..
Шагьрулул выставкалий ккаккиялун дирхьусса давурттая язи дургьунни мартрал 30-нний хьунтIисса республикалулмур даражалул выставкалувух гьуртту хьунми.
ХIадур бувссар
Бадрижамал Аьлиевал
