Мартрал 26-нний Ккуллал шяравасса кIюрххил яттичIан лавгсса, оьрмулул ххюцIалла шинава ливчусса Читаев Жамалуттин кьунниялай зана икIан багьлагьисса чIумал шавайн къаувкIун ия.

Суратрай: Рамазанов Альберт
Ганал телефонгу жаваб къадуллай диркIун дур. Му чIумал ванал шаппаминнал баян бувну бур 112-мур номерданий Ккуллал райондалул Единный Деспетчерский службалийн яттичIан лавгсса Жамалуттин шавайн къаувкIун ушиврия. Вайнналгу баян бувну бур ва иширая Ккуллал райондалул МЧС-райн.Му чIумал Ккуллал райондалул ЦIулещан дувултрал 32-мур идаралул каялувчитурал цачIава цIулещан дувуну зузисса га кьини шава игьалаглай ивкIсса, Ккуллал шяравасса Рамазанов Альбертлуйн баян бувну бур: «Жамалуттин чув урив ххал уван насу», — куну. Буслай ур Рамазанов Альберт.
— Ттуйн баян бувсса чIумал цIан ларкьуну дия. На канил дугьайсса панаргу ларсун лавгссияв га яттичIа ивкIсса кIанайн. Ахттавай ттун ккавккуна га яттичIа усса кIану. На кIиккун ивсса чIумал га ия ахьния агьну ххяллайх ялавай цаява цува лавгун.Телефонгу агьну наниний гъаргъун дия.Яла на га хъарайх ивщуну шавайн иян увссия. ЦIунция къавхьуна ганан. Ятту зана битлай унува ччех ивкIун агьну ия. Шавайн ияйхту цайна цува кIура авуна. Ттухь барчаллагь тIий ия. На ттула бурж биттур бував, яламур ттун къакIулли, — куна.
Укунсса чувшивуртту дуван хIадурсса жагьилтал жула дянив бусса чIумал бунияла хъинну хъуннасса рязишиву дикIай. Барчаллагь вин Альберт ина дурсса чувшиврухлу!

ХIажимурапд ХIусайнов