Дагъусттаннал УФСИН-лул актовый залдануву идаралул каялувчитал хьунабавкьунни 2017 шинал абитуриентътуращал ва миннал нитти-буттащал.
Хьунабакьаврий гьуртту хьунни Дагъусттаннал УФСИН-лул хъунаманал хъиривчу, виваллил службалул полковник Аьликьади МахIаммадов, кадрардал отделданул хъунама, виваллил службалул полковник Бадруттин ХIусманов, ВВК-лул (военно-врачебная комиссия) хъунама, виваллил службалул подполковник ХIажи Айгунов, управлениялул ОСБ-лул (отдел собственной безопасности) зузалт, абитуриентътал ва миннал нину-ппу.
Хьунабакьаврил мурад бия Аьрасатнал ФСИН-лул дуккаврил идарарттайн буххаврил низамрая бусаву мивун буххан ччиминнахь. ФСИН-лул зузалтрал мукунма бувсунни УИС-рал органнаву зузиминнансса ва миннал кулпатирттансса хIаллихшиннардая, жавабру дуллунни абитуриентътурал ва нитти-буттал суаллахьхьун.
