Февральданул 15-нний ДР-лул ХIукуматрал къатраву МахIачкъалалив Чувшиврул орден (орден Мужества) дуллунни Росгвардиялул аьралуннал оператив бригадалул 102-мур отделениялул ивкIусса командир Аьбдуллагь Кьурбановлул щащар ПатIимат Кьурбановахьхьун ва дукIу ивкIусса Аьбдурашид Нурбагьандовлул нитти-буттахьхьун.
Наградартту дуллунни Дагъусттаннал БакIчи Рамазан АьбдуллатIиповлул ва АьФ-лул Национал гвардиялул аьралуннал федерал къуллугърал директорнал 1-ма хъиривчу – АьФ-лул Национал гвардиялул аьралуннал главнокомандующий, генерал-полковник Сергей Меликовлул.
ДакIнийн бутанну 2016 шинал сентябрьданул 4-нний хъунама сержант Аьбдуллагь Кьурбанов МахIарамкантуллал райондалий бандгруппалуву гьуртту хьуминнащалсса талатавриву ивкIуссар.
Аьбдурашид Нурбагьандов ивкIуну ивкIссар боевиктурал цала ссурахъу МахIаммад Нурбагьандовлущал цачIу Сергокъалаллал вацIлуву. АьФ-лул Президент Владимир Путиннул ХIукмулийну ми кIиннаннагу дуллуссар Чувшиврул орденну.
