ЦIусса хаварду ца-кIива ххуттайну

* * *
• Малайзиянал аэропортрай къуртал хьуну ур Ухссавнил Кореянал хъунама Ким Чен Ы-ннул уссу Ким Чен Нам. Тайннал полициянал бувсмунийн бувну, февраль зурул 14-нний Куала- Лумпурдал аэропортрай кIул бакъасса хъамитайпалул Ким Чен Намнул бакIрайн руртун дур загьру бусса карщи (бур ххала­ххив кьутIин буваварил хаваргу), азарханалийн нани ххуллий му къуртал хьуну ур. Ки Чен Нам КНДР- лул хьхьичIавасса хъунаманал Ким Чен Ирдул хъунама арс усса ур, цIанакулсса хъунаманугу му икIан аьркин­ссия тIий бур.

* * *
• Индиянал цакуну 104 спутник аьламравун итабавкьуну , цIусса рекорд дирхьуну дур. Утти­нин цакуну чIявусса спутникру итадакьаврил рекорд Аьра­сатнахь дуссия. КIилчинмур кIану бу­ссия США- нахь.

* * *
• Машгьурсса теннисистка Мария Шараповал Аьрасатнал детдомирттан 2 миллион арцул буллуну бур.

* * *
• Американаву Дональд Трамплул миграциялул политикалийн къаршийсса митингру дуллайнма бур. Северная Каролина штатрайсса митинграй агьали цивппа бусурманнахлу бушиву, бусурман агьалинан Американавун лага- бучIан къадагъа къадикIан аьркинссар тIий майданнив бувккун бур. Миккува ми хIижабру дахIаврийнгу къадагъа дикIан къааьркинссар тIий, «Нину Терезалгу бакIрая карщи тачIав къадуркьссар» тIисса лозунг плакатирттай чирчуну бувккун бур.

* * *
• Эмиратирттал СМИ-рдал баян бунни «Марс- 2117» тIисса проектраха зий байбивхьушиву, му проектрайн бувну Марсрай чIиви шагьругу бувну, агьали яхъанан тIайла буккан дакIний бушиву, мукунсса хIукму бувшиву билаятрал премьер- министрнал ва Дубайрал паччахI, щайх МухIаммад бен Рашидлул, принц Абу- Дабил ва аьра­луннал главнокомандующий МухIаммад бен Заидлул.

* * *
• Туркнаву Антальялий турк адаминал загьру буллуну, ливтIуну бур 13 ва 15 шин хьусса цала арс ва душ, яла цаярда 23 шинал жагьилсса ­оьрус щарссагу бивтун руртун, цанма цалагу бувну бур.Вице- консул Алексей Шивановлул баян бунни му иширал хъирив лаллай бушиву, ичIура хьусса къалмакъалданицIун бавхIусса иш бушиву.
ХIадур бувссар
П. Рамазановал