Фераль зурул 2-нний Аьрасатнал ПаччахIлугърал Думалул депутат Аьвдулмажид МахIрамовлул аьрххи хьунни Ахъушиял райондалийн.

Ахъушиял райондалул бакIчи АхIмад МахIарамовлущал Аьвдулмажид МахIрамов ивунни райондалул азарханалийн ва поликлиникалийн.
Райондалул азарханалул отделениярттал ялтту увккун махъ, Аьвдулмажид МахIрамовлул цала чулуха медициналул кьай-кьуй ласунсса кумагран дуллунни 150 азарда къуруш арцул.
Райондалул азарханалул зузалт­ращал ихтилатгу бувну, депутатнал махъ буллунни райондалул поликлиникалун цIусса къатри дан кабакьу бувансса.
Вара кьини МахIрамов хьунаавкьунни Ахъушиял райондалул активращал. Ва хьунабакьаврий ххал бивгьунни райондалул социал-экономикалул тагьар хьхьичIуннай даврил, газрал, ттукIрал, щинал райондалул щархъурду щаллу даврил масъалартту.
Депутатнал махъ буллунни шикку гьаз бувсса масъалартту щаллу бан кумаг бан Республикалул ва Федерал даражалул лаг­рулий.
Мукунма Аьвдулмажид МахI­рамовлул Ахъушиял райондалул администрациялий кьамул бунни цаппара агьалигу. Агьалинал чулухасса гьарцагу масъалалул хIакъираву дунни хасъсса бувчIин бавуртту.