Цаннан бавмур гаманан къабавну, цаннан ишламур гаманан кIулвагу бакъа бикIай. Цимилгу бавмургума, хъамабитала хьуну, иттала бяйкьунугу лякъай.

Мунийн бувну, къакIулнангу кIул хьун, кIулминнангу хъамакъабитан, хъамабивтнангу дакIнийн бутан тIисса нижатрай, «Илчилий» ттинин бивкIсса, бу­ккултрангу бусравсса, «ЦIуллу-сагъшиврул маслихIатру» тIимур бутIул лагругу даххана дурну, жун пикри хьунни тIитIин «Илчи-маслихIатчи» тIисса цIусса гьарза-гьартасса рубрика.
Ца цIуллу-сагъшиврунсса бакъассагу, шикку бикIан­тIиссар, жула гьарцагу кьинисса багьу-бизулуву тIиссакссагу, мюнпатну лякъавансса маслихIатру, насихIатру – цIу-цIуссагу, ччянива бавну бивкIун, яла хъамабивтссагу.
Умуд бур цащава бювхъусса куццуй буккултралгу гьурттушиву даванссар ва давривух тIисса, гьан баванссар редакциялийн цанма-цанма кIулмургу, мюнпатну лякъинмургу тIисса, чичаван­ссар цанма кIул хьуну ччимунил хIакъиравугу.
Редакция