Аьрасатнал Федерациялул хъунама санитарный хIакин А.Ю. Поповал 2016 шинал декабрь зурул 23-ннийсса хIукмулий спирт дусса хIачIан къабучIисса продукция дахлахаву дацIан дан увкуну бур, ми ишла дурну чIявусса инсантал загьрулул хьусса, лигума ливтIусса ишру хъанай тIий.
1999 шинал март зурул 30-нний цIакь дурсса (№52-Ф3) «О санитарно-эпидемиологическом благополучии населения» тIисса федерал закондалийн бувну, хIукму буллай буру:
1. Идарарттан ва таксса инсантуран 30 суткалийсса дацIан дан аьркинссар хIачIан къабучIисса спирт дусса продукция, агана хIадурсса продукциялуву 25%-раяр ххишалану этилданул спирт духьурча. Парфюмериялул продукция ва пюрунт шюшайсса затру къахIисавссар.
2. АьФ-лул субъектирдал хъуниминнайн тапшур буллай буру.
2.1. Ва хIукму щаллу бансса чаран лякъин.
2.2. Агьалинахь укунсса хIанттия ва спирт дусса продукциялия оьрмулун ва цIуллу-сагъшиврун хъуннасса нигьачIаву душиву бусласисса даву чялиш дуккан дан.
3. Аьрасатнал Федерациялул субъектирдайсса ва муххал ххуллул транспортрайсса Роспотребнадзорданул управлениялул каялувчитурайн тапшур буллай буру.
3.1. КIицI лавгсса хIукму щаллу баврил ялув бацIан.
3.2. ХIан ва спирт дусса продукция итадакьлакьисса ва дахлахисса организациярду ххал дуллалисса чIумал санитариялул ва эпидемиологиялул, мукунна муштаритурал ихтиярдал хIакъиравусса законну къадурурччусса кIанттурду хьунабакьирча, жавабрайн буцин.
4. Ва хIукму цIакь хъанахъиссар официальнайну бивщусса чIумуяр шихунмай.
А.Ю. Попова
ХIадур бувссар
А. Аьбдуллаевал
