Грантру диркIссар дуккаврил, элмулул, техникалул, экономикалул, культуралул ва спортрал, жагьилтурал политикалул, чIиримур ишбажаранчишивруцIун кабакьаврил, СМИ-рдал бутIраву.

Грантру дулун хьхьичI Рамазан Аьбдул­латIиповлул увкусса куццуй, грантру дулаву – му ялун дучIансса чIумуву дансса давуртту ва умудру чIалачIи бавур, дурмунил хIасиллу давур. «Гьарца грантру ласласиманал республикалул иширттаву щаллу буллалиссар цIусса идеяртту, разработкарду, ттизаманнул журалийсса хьхьичIуннайшивуртту. Грантирттайну паччахIлугърал кабакьлакьиссар инсантурал хьхьичIуннайшивурттацIун, пишакартурал творчествалуцIун, экономикалул ва жяматийсса масъалартту щаллу баврицIун», — увкунни ганал. [pullquote]Грантирттал комиссиялул ххал дигьаврил хIасиллайну ххув хьуминнан ккалли хьуну ур 33 инсан, миннал ласунтIиссар 11 млн. ва 600 азарда къурушрансса грантру. [/pullquote]Рамазан АьбдуллатIиповлул увкумунийн бувну, проектирдацIун ка бакьлан аьркинссар культуралул, дуккаврил, пре­ссалул бутIраву, яни граждан общество сакин даврин хасъсса бутIраву.
Дагъусттаннал БакIчинал ихтилат къуртал хьуну махъ, республикалул вице-премьер Анатолий Карибовлул дурккунни конкурсрай ххув хьуминнал сияхI.
Гьашину дуркIун диркIссар 250 заявка. Миннувух диркIссар дуккаврил, экономикалул, культуралул ва магьирлугърал, жагьилтурал политикалул ва СМИ-рдал бутIравусса грантру.
Грантирттал комиссиялул ххал дигьаврил хIасиллайну ххув хьуминнан ккалли хьуну ур 33 инсан, миннал ласунтIиссар 11 млн. ва 600 азарда къурушрансса грантру.
Грантру ларсминнавух бур РГВК «Дагестан» каналданий зузисса лакку душ Магьидат Абакарова.