ДР-лул Печатьрал ва информациялул министрнал приказрайн бувну 2017-кусса шинал январь зурул 13-нния шинай «Илчи» кказитрал хъунама редакторну ивтссар МахIаммадлул арс Башаев Руслан.

МахIаммадлул арс ­Башаев Руслан увссар 1953-кусса шинал Лакрал райондалийсса Карашрал шяраву. Къуртал бувссар Дагъусттаннал паччахIлугърал педагогикалул институтрал филологиялул факультет. Зий ивкIссар «ЧIавалачин» ва «ЦIубарз» журналлал редакторну, «Илчи» кказитрал отделданул редакторну, хъунама редакторнал хъиривчуну. Дагъусттаннал телевидениялий нани дурну ивкIссар «Лакку кканал». Ва хъанахъиссар ацIунничIан бивсса поэзиялул ва прозалул луттирдал авторну.
Руслан Башаевлун дуллуссар «ДР-лул ва АьФ-лул культуралул лайкь хьусса зузала» тIисса цIарду.