«Полицейский Дед Мороз» цIанилусса щалагу Аьра­сатнаву нанисса чирилул акциялул лагрулуву ЦIусса шин гъан хъанахъисса гьантрай ДР-лул виваллил иширттал министр, полициялул генерал-лейтенантАьвдурашид МахIаммадов ва министерствалул зузалт бивунни дуккаврил идарарттайн.

Декабрь зурул 22-нний вай бувкIунни Ленинккантлив, цIуллу-сагъшиврул ссуссукьушиву дусса оьрчIру бусса школа-интернатрайн. Интернатрал оьрчIал ккаккан бунни хъамаллуран хореографиялул и­скусствалувусса цала гьунарду. Вайннал хIадур дурну дия къавтIавурттал авадансса программа.
Министрналгу, оьрчIру ЦIусса шинащал барчагу бувну, миннан бахшишру дунни. Мура кьини МВД-лул зузалтращалсса давурттаха зузисса управлениялул хъунама, виваллил службалул полковник Сахават Сахаватов ивунни Буйнакскалийсса ОьрчIал къатлувун. Шикку­сса оьрчIал мудангу ххарину хьунабакьайссар полициялул зузалт.
Сахават Сахаватовлул барча бунни оьрчIру министерствалул зузалтрал ва цува министрнал цIания. Ххуйсса бахшиш дунни чумартсса даву дуллалисса ОьрчIал къатлул каялувчитуран. Декабрь зурул 23-нний Аьвдурашид МахIаммадов увкIунни МахIачкъалаливсса Республикалул оьрчIал къатлувун. Ши­ккусса оьрчIангу министрнал буллунни нахIу-нацIурду дусса кьуцуртту.
Ва кьини МВД-лул зузалт ва министерствалучIасса Жяматий­сса советрал вакилтал хьунабавкьунни №4 школа-интернатрайсса ятинсса ва нитти-буттал кьабивт­сса оьрчIащал. ОьрчIан буллунни ЦIусса шинащал барча буллалисса ва оьрмулул нигьачIаву ду­сса тагьарданий ци зун аьркинссарив маслихIат буллалисса буклетру. Мюрщими классирттал оьрчIру ххари бан хIадур дурну дия ссихьрал представление.
Ахирданий оьрчIан дуллунни ЦIусса шинал бахшишру. Виваллил иширттал министерствалул каялувчитуран ва зузалтран цаппара ду­ккаврил идарарттайн ттигу биян­сса пикри бур.
ДР-лул МВД-лул
пресс-служба
ХIадур бувссар
А. Аьбдуллаевал