Силистталул изолятордануву (№ 3) ларгунни ирглийсса нузру тIиртIусса кьини. Ва кьини шиккун бувкIун бия куклусса тахсиркаршивуртту дурну щябивтминнал гъан-маччами.
Нузру тIиртIусса кьини вайннаща бюхълай бур дуснакь бувсса цала гъан-маччаминнащалгу хьунабавкьуну, вай цукунсса шартIирдай яхьуну бурив ххал бан. 3-мур СИЗО-лул хозяйствалул дузалшиннарал отрядравуми ччя-ччяни хьунабакьайссар маччаминнащал. Укунсса хьунабакьавурттал кумаг бай дуснакьравуми, цайва хьусса тахсиргу лалавсун, тIайласса ххуллийн кIункIу бан. Дуснакьравун бувкIми шиккусса низамращал кIул бунни 3-мур СИЗО-лул хъунаманал хъиривчу, виваллил службалул майор Шяъван Магьдиевлул. Яла мунал ккаккан дунни хъамаллуран изоляторданувусса шартIру, бувсунни дуснакь бувмигу гьурттуну шикку дувайсса магьирлугърал ва тарбиялул давурттая. Шичча нанийни хъамаллурал барчаллагь увкунни идаралул администрациялул зузалтрахь укунсса хьунабакьавурттахлу. Гъан-маччанащал щябивкIун аьчухну бувсса ихтилатирттал дуснакьравуми тIайла бавцIуну буккансса вихшала ххишала дунни.
ДР-лул УФСИН-лул
пресс-служба
