Вай гьантрай Каспийскалий Аьрасатнал халкьуннал аслийсса культуралул центрданий хьунни «Мой Дагестан» цIанилусса шеърирду буккаврил республикалул конкурс.

А. Аьбдуллаева
Ва конкурс хьунни Аьрасатнаву нанисса (2013-2018 шин) терроризмалул идеологиялийн къарши бацIаврил программалул давурттал лагрулий. Райондалий хьусса цалчинмур этаправу дуклаки оьрчIал бувккуссар Ватан ххирашиврун, къучагъшиврун хас бувсса дагъусттаннал автортурал шеърирду. Ши­кку хьхьичIун ливчусса оьрчIру гьан бувссар республикалулмур конкурсрайн. Лакрал райондалия конкурсраву гьурттушинна дунни 4 дуклаки оьрчIал, шама – Гъумучиял дянивмур даражалул школалиясса, ца – Ккур­ккуллал дянивмур даражалул школалиясса. ОьрчIру конкурсрайн бувцуну
бувкIун бия Гъумучиял Искусствалул школалул директор МахIаммад Хъунбу­ттаев ва Ккурккуллал школалул учительница Гульнара Магьдиева. АцIнияхъайсса школарду гьуртту хьусса республикалулмур конкурсрайгу Лакрал райондалиясса дуклаки оьрчIал лажин кIялашиву дунни. Циняв­ппа оьрчIру дипломирттащал ва бахшиширттащал зана хьунни.
«За индивидуальность исполнительской манеры» номинациялуву Культуралул министерствалул чулухасса диплом лавсунни Ккурккуллал школалул дуклаки душ (6 класс) Барххулаева Мисидул (учительница Магьдиева Гульнара). Ванил хъинну пасихIну бувккунни Даниял Магьдиевлул чивчу­сса «Ниттил иттавсса макь» тIисса шеъри. Му хъинну асар хьунни жюрилун ва конкурсрай гьур­тту хьун бувкIминнан. Щеъри пасихIну буккаврих ба­къассагуМисидун буллунни диплом «За участие».
Аьрасатнал халкьуннал аслий­сса культуралул центрданул чулухасса диплом лавсунни Гъумучиял школалул дуклаки оьрчI (4 класс) МухIадов Маликлул, Макьаева Аймисайн ва Пидуриева Зузун буллунни «За участие» дипломру.
Цала бюхъу-гьунар, даража ккаккан бувну, райондалул цIа гьаз дурсса дуклаки оьрчIахь дипломругу барча тIий, ттиния тихуннайгу чIяру-чIярусса хьхьичIуннайшивуртту чIа тIий буру.