1991 шинал апрельданул 26-нний кьамул дурсса, «Зулмулий бизан бувну бивкIсса халкьунная аьй лиххаврил хIакъираву» тIисса РСФСР-данул Хъунмур Советрал Закондалийн бувну, ДССР-данул халкьуннал депутатътурал шамилчинмур Съезд­рал хIукму буллалиссар:

1. Аухуллал район цIунил цIудуккан даву мурадрай ва хIисавравун лавсун муницIун бавхIусса масъалартту щаллу бан аьркиншиву, ЦIуссалакрал агьали бизан бан Лакрал райондалийсса С. Габиевлул цIанийсса колхозрахьсса (4539 га), «ЗахIматчи» колхозрахьсса (839 га), Гъуниннал райондалийсса «Ялгъинский» совхозрахьсса (164 га.), Дагъусттаннал шяраваллил хозяйствалул элму ахттар дай институтрал ОПХ-лухьсса (1462 га.), Къизилюртуллал райондалийсса «Дахадаевский» совхозрахьсса (1300 га.), МахIачкъалаллал вацIлул хозяйствалухьсса (200 га.) аьрщарайн, хъиривра сакин дан ЦIуссалакрал районгу.
2. ДССР-данул Госкомземран, Минсельхозпродран, МахIачкъалаллал шагьрулул ва Къизилюртуллал, ЦIуссалакрал районнал халкьуннал депутатътурал Советирттан – щаллу дан аьрщи личIи даву, аьрщи ишла дан ихтияр дуллалисса документру булаву ва ччяни баян бан ва цIакь бан районнай ва шагьрулий аьрщарая мюнпат ласласиминнал планнацIун ва картардацIун дархIусса материаллу, аьрщарал хIисав-ккал давриясса документру баххана баврил хIакъиравусса пикри.
3. ДССР-данул ва Лакрал районнаща ларсъсса аьрщарах аьрщи дулаврил масъала.
4. ДССР-данул Госкомэкономикалун, Госкомнацран, Госкомцендалун, Минфиндалун, Минсельхозпродран, даврил щаллу баврилсса ва жагьилтурал­сса байсса Госкомитетран хIадур дан ва хIукму иширайну биттур баврицIун дархIусса хIисавртту, маслихIатру, сакиншиндарал чулийннайсса даврил план.
5.РСФСР-данул Министртурал Советрахь тавакъю бан агьали къушал баврицIун бавхIусса цинявппагу масъалартту щаллу бансса арцу ва кьай-кьуй итадакьияра куну.
Дагъусттаннал ССР-данул Хъунмур Советрал Председатель М-Аь. МахIаммадов
ш. МахIачкъала
1991 шин, 23 июль