Сентябрьданул 13-нний ДР-лул БакIчи Рамазан АьбдуллатIипов увкIунни Ма­хIачкъалаллал къирагърайсса Республикалул кардиологиялул центрданийн.
Ганащал архIал бувкIунни ДР-лул ХIукуматрал Председательнал 1-ма хъиривчу Анатолий Карибов, ДР-лул цIуллушиву дуруччаврил министр Танка Ибрагьимов ва кардиоцентрданул директор ХIусман МахIачев.
«Единая Россия» партиялул чулуха ПаччахIлугърал Думалувунсса кандидатътурал Да­гъусттаннал сияхIраву цалчинманал ихтилат бунни центрданул зузалт­ращал ва къашайшалтращал.
Ихтилат хьунни республикалул цIуллушиву дуруччаврил система лядуккан даврил, медициналул хIаллихшинну ххуйну дуллалаврил ва цаймигу ма­съаларттая.
Республикалул кардиологиялул центр хъанахъиссар агьаммур медициналул учреждение, ганил байссар Дагъус­ттаннай лавайсса даражалул технологиялул медициналул кумаг къюкIлил ва туннурдал хирургиялул бутIуву.