МахIачкъалаллал Советский райондалул прокуратуралул тIалавшинналун хасну, ДР-лул Роспотребнадзорданул управлениялул зузалтрал ДР-лул УФНС-рал вакилтуращал цачIу ххал буллай бур МахIачкъаллал банкетирттал къатри.

ХI. Аьдилов
ХIакьинусса кьини ххал бувну бур 9 банкетрал къатта (зал): «Марракеш», «Hyatt», «Валас», «Хадиджа», «Анжи», «Эдем», «Орфей», «Европа», «Экзотика». Ххал бувсса цинявннуву Роспотребнадзорданул зузалтран ляркъуну дур чIярусса диялдакъашивуртту, «О санитарно-эпидемиологическом благополучии населения» ва «О защите прав потребителей» тIисса Федерал законну лиян дуллали­сса. Ми къатраву сакин бувну ба­къар производствалул контроль, дукра дайсса къатраву технология дуручлай ба­къар, кьай-кьуйлул дакъар хасъсса маркировка. Дуллай ба­къар дезинфекция, дезинспекция ва дератизация. Къатраву зузиминначIа бакъар медициналул книжкартту, ми ххал буллай бакъар хIакинтурал. Къатраву дакъар вытяжные системартту, щаллуну дакъар продуктру, тIахIни-кIичIу шюшай­сса раковинарду, ваннарду. Бакъар муштаринал уголокру.
МахIачкъалаллал хъатIив бай­сса къатри ххал буллайнма бур.