Дагъусттаннай чара бакъа газрал счетчикру дишаврил чIун, миннувух яхъанахъисса къатравугу, лахъи лаган дурссар 2019 шинал январьданул 1-ннийнин. «Махачкалагаз» ПАО-рал прессалул къуллугърал бувсъсса куццуй, хасъсса дахханашивуртту дурссар «Об энергоснабжении и о повышении энергетической эффективности» тIисса федерал закондалуву 2016 шинал июльданул 3-нний.
ХIасан Аьдилов
«Газпром газораспределение Махачкала» АО-рал бувсъсса куццуй, закондалийн бувну ишла дуллалисса энергиялул луртанну чара бакъа учетрай дикIан аьркинссар счетчикру дирхьуну. 2015 шинал январьданул 1-нния махъ ттинин къадирхьуну диркIми муштаритурал счетчикру дихьлан аьркинссар газораспределениялул организациярдал. 2016 шинал январьданул 1-нния махъ, закондалийн бувну, газораспределениялул организациярдал цалла гужрай дишайссар газрал счетчикру, агарда ми та чIумалнин къадирхьуну диркIхьурча. Мукунна халкь яхъанахъисса къатравугу. Мукунсса ишру хьурча, ми давуртту дан аьркинссар газораспределениялул организациялул цалла счетрайну, амма муштаритурал (абонентътурал) ми харжлугъру лахъан аьркинссар ми дирхьуну махъсса 5 шинал мутталий, муштаринаща бюхъантIиссар цакуну дулунгу.
Газрал счетчикру дишаврицIун бавхIусса масъаларттал хIакъираву шайссар хъирив бизан МахIачкъалаллал газораспределениялул организациялийн.
