Августрал 2-нний Дагъусттаннал БакIчи Рамазан АьбдуллатIипов гьуртту хьунни ТIиларатIиял шяраву МФЦ тIитIаврий. Тикку махъ лахълай, ганал увкунни: «Аьзизсса дустал, ватанлувтал!
Махъсса шанна шинал мутталий жу хIарачат буллай буру Дагъусттаннай чIярусса давуртту щаллу дуван: низам цIу дуккан дуван, каялувшиву цIакь дуван, законшиву, инсаннал ихтиярду дуруччин.
Жунна аьркинссар паччахI­лугърал хIаллихшинну ххуй дуллан. ДачIи даву жура дарду — шяраву барду центрданул къатта ва даврийн буцарду пишакартал. Утти аьркинссар инсантуран лахьхьин буллан, цукун ишла буллан аьркинссарив МФЦ-лул бюхъурду».
ТIиларатIиял райондалул бакI­чи Ражаб Ражабовлул барчаллагь увкунни райондалул жяматран аьркинсса социал объект баврихлу. Ганал мукунма бувсунни Бабаюртлив бувну бушиву МФЦ-лул ца «чIавахьулу», инсантал, райондалийн къабувкIун, тиккува щаллу хъананшиврул хIаллихшиннал.
МФЦ тIитIаврий ихтилат бунни ДР-лул транспортрал, энергетикалул ва связьрал министр Юсуп МахIаммадовлул.
ХIадур бувссар
ХI. Аьдиловлул