Щалагу Аьрасатнавусса «ФСИН-письмо» тIисса система зузи дунни 1-мур изоляторданувугу. Утти му системалул кумаграйхчIин щак тIий ягу танмихI бувну изолятордануву щябивкIминнащалсса гъан-маччаминнал дахIаву цукссагу бигьасса ва къулайсса дикIан тIий дур.

Дуснакьравуминнайн гьан бувсса чагъарду ва суратру минначIан диян най дур ми идаралийн дуркIун ца-кIива гьантлува. Чагъар чичин бюхълай бур дуснакьравун интернет дусса ччимур компьютердания. Мунинсса жаваб каних чивчумуния копия бувну тIайла дуклай бур.
Ва сервисрал хIаллих­шиннарду ишла даншиврул, агьалинан официал сайтрайн бувххун (www. fsin-pismo. ru), хасъсса бланк дуцIин дурну, сообщение гьан дан аьркинну дур.
ИнтернетрайхчIин гьан був­сса чагъар идаралийн бивну, цензорнал ххал бувну махъ, му аьркиннахьхьун буллай бур. Изоляторданувуминнащагу бюхълай бур мунин жаваб чичин. Минналми чагъардал копияртту (сканерданий бувсса) тIайла буклай бур идаралул зузалтрал.
Ва журалул дахIаврил къулайшиву муниву дур, сообщение адресатначIан дияншиврий щак бакъар. Ва ялагу, чагъарду биллан тIий бур ччяни, сообщенияртту гьан дуллан бюхълай бур хьхьу-кьини къаувкуну ччиссаксса. Мукунна щябивкIминначIан гьан дан бюхълай бур ца цифровой сурат. Му дуккан дурну дулунтIиссар дуснакьравуминнахьхьун. Ччи­ссаксса чагъарду чичин бюхъла­хъавугу дур ва журалул дахIаврил къулайшинна.
«ФСИН-письмо» системалияту балжину буккин бюхъай­ссар www. fsin-pismo.ru официал сайтрай.