Дунияллий бусса бур дурагу 3 ссят ва дачIинний зума дугьай­сса агьлу. Аьрабнаву, Оманнал хъуншагьрулия 150 километралул манзилданул архну, зунттал кIанай дусса дур Векан тIисса шяравалу. Му дирхьунугу дур хьхьирияр 2 азарда метралул лахъну. Му шяравун баргъ бияйсса бур ссят 11-нний, лагай­сса бур 3-ннил дачIинний. Мунияту чани бусса кьини (световой день) хIисав хъанай дур дурагу 3 ссят ва дачIи.

***
Дубайлия ххарисса хавар бувкIунни вай гьантрай Дагъус­ттаннайн. Тикку хьусса Дунияллул хIапизтурал сий дусса конкурсрай дагъусттан оьрчI Билал Аьбдулхаликьовлул 2-мур кIану бувгьуну бур. Билал тихун тIайла увккун ур Аьрасатнал Муфтийтурал советрал.

***
Июнь зурул 21-нний Дагъусттаннал ХIукуматрал хъунаманал хъиривчу Рамазан Жяъпаровлул каялувшиврийну хьусса совещаниялий, Роспотребнадзорданул Да­гъусттанналмур управлениялул хъунмур Элеонора Оьмариевал баян бунни хIажлив наниминнал чара бакъа тIалав дуллалисса прививкарду дуван аьркиншиву. Гьашину Дагъусттанная хIажлив гьан тIий ур 6000 инсан. ДукIугу прививкарду дуршиврул сертификатру международный аэропортирдай тIалав дуллантIиссар тIий бувчIин буллай бунува, хIажлив наниминнава 30 % агьалинаща сертификатру ккаккан дуван къархьуну дур. Мунияту уттива хъирив буккияра, Роспотребнадзорданул гьашину пропускной пунктирдай ялувбацIаву хъиннура цIакь дуллалиссар, тIий бур Оьма­риева. ХIажлив бачлан тIий бур август зурул 24-нния тIайла хьуну сентябрь зурул 5-нийннин. ХIажливсса виза тIалав дуваннин вакцинациялул сертификат ласун аьркинну ду­сса дур.
ХIадур бувссар
П. Рамазановал