Ларгсса шинал ноябрь зуруй Москавлив ПаччахIлугърал Кремльданул Дворецраву Дарбантуллан 2000 шин хъанахъи­сса юбилейран хасъсса хъунна­сса шадлугърал концерт хьу­ссия.

Гикку гьуртту хьуссия Аьра­сатнал Ухссавнил Ккавкказуллал иширтталсса буллалисса министр Лев Кузнецов, Москавуллал миллатирттал политикалул, туризмалул ва регионнал дянивсса арардал Департамент­рал хъунама Владимир Черников, Дагъусттаннал БакIчи Рамазан АьбдуллатIипов. Ги­кку сахIналий жула культуралул пишакартурал ккаккан дурссия 2 ссятрайсса, бухзаманнул Дарбантуллал тарих, гиккусса миллатирттал аьдат-эбадатру кка­ккан дурсса, шоу-концерт.
Утти му концерт ккаккан дувантIиссар «Культура» телеканалданий 10-мур июльданий ссят 14.00. Ккаккияра, хъамакъадиртун!