Ва «Илчи» ттущал хъарайх бувтсса кьуцурттуву буссия Муздалифрайгу, Аьрафатрайгу, Миналийгу, «джамаратирттайн» чартту бичайнигу, Кяъвалул лагма «тIаваф» дайнигу, Замзамирал щин хIачIайнигу. Гьаннайсса, ванил ттущал ХIаж бувссар.
ХIаж щаллу шайхту, цахъи арх увцун, щинчIав тIааьн къабизансса, асар къахьунсса кIанай, ца канил вагу бувгьуну, вамур каних аппарат бувгьуну, укунсса суратгу рирщуссия, ва зул музейран пишкаш данна тIий, ягу юбилейрайн наниманащал тIайла дукканна тIий.
Барча зул юбилейгу. Ттигу чIярусса шиннардий итабакьлай личIаннав «Илчи», лак ххари буллай.
Кьурбан (Константин) Кьурбанов
