Гьашину 300 ятинсса оьрчIан квартирарду булунтIишиву бувсунни Дагъусттаннал кIулшиву дулаврил ва элмулул министрнал хъиривчу Назир МахIаммадовлул опекалул ва попечительствалул органнал специалистал бавтIсса совещаниялий.
«Ми иширттан республикалул бюджетрава 150 миллион булун ккаккан бувну буссар, федерал бюджетравагу субсидиярду хIисаврай 116 миллион ва 313 азарда къуруш ккаккан дурну дуссар. Ми арцу 302 ятин квартирардал дузал уван диял хьунтIиссар, ларгсса шинах бурувгун, ми 50 ятин ххишала хъанахъиссар гьашину», — увкунни мунал. Опекалул ва попечительствалул отделданул хъунама Жамал Атаевлул бувсунни квартирарду ласунсса кьутIирду так 19 территориялий дакъа цIакь дурну дакъашиву. Семинар-совещаниялий гьуртту хьунни районнал администрациярттал хъуниминнал хъиривми. Миннан баян бунни бюджетравасса ятинтуран къатрахсса арцу шагьрурдал округирттайх ва районнайх дачIинтIишиву анжагъ кьутIирду цIакь дурну махъ.
