Аьдатравун багьну бур ДР-лул Минстройрал къатри дуваврил ялув бавцIусса Управлениялул пишакартал чув, ци къатри, объектру дуллай бурив ххал буллалисса аьрххирдайн буклакаву.
З. АьбдурахIманова
Масалдаран, уттигъанну ца мукунсса аьрххи вайннал хьуну бур шагьрулул Семендердайсса Южная ва Б. Мурадовал цIанийсса кучардаву чIярузивурду дусса къатри дуллалисса кIанайн. Шикку вайннан ихтиярду дуллуну дакъанна дуллалисса шанна объект ляркъуну дур. Вай объектирдайгу чил хIукуматраясса, жулла хIукуматрай яхъанан, зун-занан ихтиярду дакъасса зузалт зий лявкъуну бур. Ми биян бувну бур МахIачкъалаллал РОВД-лийн. Министерствалул пишакартурал канихь бусса бур Б. Мурадовал цIанийсса кIичIираву къатри дуван ихтияр дакъасса, Кировский райондалул Федерал судрал ттинин дурмургу лекьан дуван хIукму бувсса чагъар. Гайми кIира объектрал хIакъиравусса чагъарду тIайла бувккун бур ФССП-лул къуллугърайн.
