Зумаритавал байран дуван Каспийскаллал Хъунмайданнив чIявусса агьлу бувккун бия, хIатта чIаххуврайсса шагьрурдая бувкIсса кулпатругума бия. КIиттуршунниха ливчусса оьрчIру бия чIун архIалминнащал цачIу байран дуван бувккун.
Майдан оьрчIи-чIюлу бувну хIадур бувну бия, кьиматрайсса бахшишру, кIукIлу игрушкарду ва тиккувасса кинотеатрданувунсса билетру буллай бия конкурсирттаву хьхьичIун ливчуминнан бахшишран. Дялахърурду дакъассагу, хIадур бувну бия нацIу-кьацIулул ссупра. Хъунмасса кIюххилуву шахьлай бия узбакI пулав.
«Ххуйсса байран дур. ОьрчIру тяхъану, ххарину бур. НацIу-кьацIулул кьуцурттая ва нахIува-нахIусса пулаврая, хIазсса конкурсирттая неъмат ласлай бур. Ттул арс ХIасаннун кинорахун гьансса кIива билет буллунни бахшишран, – тIий бур Каспийскалии яхъанахъисса Жамила Закирова. – На барчаллагь тIий бура ва байран дурминнайн. ОьрчIангу, хъуниминнангу хъама къаритансса байран хьунни». Майданнив Зумаритавал байран дурми бур «Арси-групп» тIисса строительная компания. Му компаниялул хъунама Расул Аьбдуллаевлулгу барчаллагь увкунни, цалва пикри ххуй бивзун, чIарав авцIусса МахIаммад Аьбдуллаевлухь, Каспийскаллал мэрнахь.
