Июль зуруя тинмай ЖКХ-лул хIаллихшиннардал багьри гьаз хьушиву баян бунни респуб­ликалул тарифиртталсса буллалисса къуллугърал (службалул). «Август зуруйсса квитанцияр­ттай агьалинан ккаккантIиссар багьри гьаз хьуну бушиву, амма 3,8 процентраяр ххишала гьаз хьуну бикIан къааьркинссар», — тIий ур кIицI лавгсса идаралул пресс-службалул вакил.

Масалдаран, уттинин ттукIрал тариф киловат 2,23 къуруш диркIхьурча, утти дур 2,34 къуруш. Шяраваллил кIанттурдай уттинин кВт 1,56 къурушран буссия, утти бикIантIиссар 1,64 къурушран. Газрал тариф июль зурул 1-нийннин кубометр 4,77 къурушран дуссия, утти дур 4,87 къурушран. Мукунна гьаз хьу­ссар МахIачкъалалив щинал тарифругу. Дуссия 7,63, утти дур 7,95. Агьалинан дакIнийн бутлай буру багьри гьаз хьушиву так июль зуруя тинмай. Тарифирттал хIакъираву мяълум буван ччисса бухьурча, зуща бюхъантIиссар республикалул тарифирттал службалул (РСТ) «горячая линиялийн» оьвчин: 8 8722 67-23-92.