Июльданул 11-14-нний Чехословакиянаву Прага шагьрулий хьуссар дунияллул халкьуннал дянивсса конкурс-фестиваль «АРТ-Поколение. Прага 2016». Му сакин дурну дур «Созвездие» агентствалул, чIаравбацIаву дурну дур Швециянал жагьилтурал «SYMA» музыкалул ассоциациялул.
Бадрижамал Аьлиева
Конкурс-фестивальданувух гьуртту хьуну бур Аьрасатнавасса, Чехиянавасса, Германиянавасса, Швециянавасса, Ух­ссавнил Африканавасса музыкалул коллективру. Жюрилуву бивкIун бур Чехиянавасса, Германиянавасса ва Швециянава­сса музыкантътал.
Миннал лавайсса кьимат бивщуну бур Дагъусттанная­сса балайчитурангу – ДР-лул ПаччахIлугърал хорданучIасса вокалданул ансамбльданун (художествалул каялувчи, дирижер Наталья Макеева). Жулла респуб­ликалиясса коллективрал ларсун дур конкурс-фестивальданул Гран-при. Дагъусттаннаясса вокалданул ансамбльданул Прагалий щаллу бувну бур 3 композиция: М. Къажлаевлул «Африка», А. Жяъпаровлул «Прелюдия» ва оьруснал халкьуннал балай «Ой, мороз, мороз» (Гончаровал обработка).
Жулва артистурайн оьвкуну бур ва шинал август зуруй Ригалий ва Стокгольмрай хьунтIисса фестиваллайнгу.