Июньдалул 12-нний жулва билаятрай дайссар агьамсса паччахIлугърал байран – Аьрасатнал Кьини. Ва хъанахъиссар билаятрал ца яла «жагьилмур» байран.
Июньдалул 12-нний 1990 шинал РСФСР-данул Халкьуннал депутатътурал цалчинмур съездрай кьамул дурссар Аьрасатнал ПаччахIлугърал суверенитетрал хIакъиравусса декларация. Га декларациялуву ккаккан бувну бивкIссар Аьрасатнал Конституция ва законну яла агьаммину хъанахъишиву.
Аьрасатнал паччахIлугъ цIакь шаврил ца лишанну хъанахъиссар билаятрал цIусса цIа кьамул даву – Аьрасатнал Федерация (Аьрасат). Гьаман та чIумал июньдалул 12-нний «тархъаншивруяр» ххишала Аьрасатнал хьуссар цалчинма Президентгу. Гьаман Б. Н. Ельциннулли цалва хIукмулийну 1994 шинал июньдалул 12-мур кьинилун паччахIлугърал мяънагу дуллусса, цурда байран кьинилун цIа дирзун диркIссар — День принятия декларации о государственном суверенитете России. Яла, махъсса ппурттуву, бигьанна зумух ласуншиврул тIун бивкIссар тархъаншиврул кьини (День независимости).
Ва кьини щалва билаятрай дайссар шадлугърал мероприятияртту. Яла хъуними шадлугъру шайссар Москавлив, ЯтIул майданнив, ва къуртал шайссар Аьрасатнал Кьинилул савлугъиннан хъуннасса салют даврийну.
