Дагъусттаннай захIматну къашавайсса инсантуран палмативсса (хъин бан къашайминнал) къашайшалтран медициналул кумаг баву мурадрай сакин буллай бур стационар шаппа ягу уттубишин буллай бур медициналул организациярдай, яни азарханардай.
ХIасан Аьдилов
Республикалул циняв стационардай кIива кIану личIи бувну бур инкурабельсса (хъин дан къашайсса цIуцIавурттащалсса) инсантуран. Республикалул оьрчIал къатраву 5 кIану хIадур бувну бур оьрчIан палмативсса кумаг баву мурадрай.
ЧIумуя-чIумуйн Дагъусттаннал ЦIуллушиву дуруччаврил министерствалул зузалт ва республикалул организациярдал хIакинтуращал цачIу лагайссар республикалул районнайн ва шагьрурдайн, ххал байссар инкурабельсса къашайшалтран къюву лагь дайсса даруртту чичлай бурив. Мукунсса даруртту хIакинтурал къачивчусса ишру аьям хьуну бакъар.
ДР-лул ЦIуллушиву дуруччаврил министерствалул хIукму бур «По повышению доступности анальгезирующей терапии» тIисса. Та хIукмулуву медициналул организациярдал каялувчитурая тIалав бувну бур къюву лагь дайсса дарурттал щаллу буван циняв къювурду дикIайсса цIуцIавуртту дусса къашайшалт. Мукунма ккаккан бувну бур ми дарурттал щаллу буллалишиврия бусан агьалинахь.
ДР-лул ЦIуллушиву дуруччаврил министерствалул къюву лагь даврил жаваб дулаймину ккаккан бувну бур Ибрагьимова ПатIимат ГьитIинмахIаммадовна (8-963-375-88-14) ва Брежнев Владимир Федерович (8 989 887 45 51). Ччимур чIумал миннал жаваб дулун аьркинссар оьвкусса чIумал.
