Майрал 28-нний МахIачкъалалив Дусшиврул къатлул хьхьичI кIицI ларгунни Азирбижаннал Кьини. Му хIадур дурну дия ДР-лул Миллатрал политикалул министерствалул ва Дагъусттаннайсса Азирбижаннал миллатрал культуралул автономиялул.
Ва даврил агьаммур мурадгу бия Дагъусттаннал, аьмну Аьрасатнал ва чIаххувсса республикалул дянивсса арарду цIакь даву, хьхьичIуннай даву. Ва Кьини жулла республикалий кIилчинни дуллалисса.
Хъамал хьунабакьлай бия азирбижаннал дукрардайну ва чяйлийну.
Дагъусттаннайсса Азирбижаннал Кьинилул шадлугъравух гьуртту хьунни ДР-лул миллатрал политикалул министрнал цалчинма хъиривчу Гьарун Давидов, ларай кIицI ларгсса Азирбижаннал автономиялул председатель Ракиф Аьзизов. Миннал цалва ихтилатирттаву барча бунни бавтIми ва байрандалущал, чIа увкунни уссушиврийсса миллатирттан гихунмайгу нахIуну, бавкьуну ялапар хъанансса оьрму.
Официалмур бутIа къуртал хьуну махъ Азирбижаннал паччахIлугърал драмалул театрданул коллективрал ва мукунма Азирбижаннал республикалия ва шадлугъравух гьуртту хьун бувкIсса артистурал ккаккан дунни хъуннасса концерт.
